最近同班Fd講開，公司攞哂堆大陸Port
以後一定成日飛大陸，
然後講起兩年前我去上海玩嘅慘痛回憶 🌚
話說其中一日就去左城隍廟行下影下相
行完一輪出返去，有個女人走埋黎
（中國籍女子 拎住個老翻吉蒂貓膠袋，
外表年齡40+，實際年齡不詳，肯定單身）
女人「小哥哥 可以幫我拍個照片嗎？」
「把我拍得美一點」
首先我絕對唔明你擺明老過我，做乜叫我哥哥，
不過諗下公司堆韓姐有時都會叫我做oppa就算啦，
何況見佢一個人咪幫下佢囉，
但係我心諗影得美一點有啲難度喎...
😂😂😂😂🤣
影完之後，佢無啦啦望住我
女人「剛剛跟月老爺爺說要一段好姻緣，
沒想到一出來就遇上你，是緣份吧」
聽完之後，我不禁倒抽一口涼氣，
好誠懇咁望住佢講「阿姨，妳想太多了」
然後 頭也不回九秒九跑走左...
講完呢單野比班Fd聽，比佢地笑左一整晚
笑我錯失一段良好嘅中港孽緣
仲叫我一定要放上黎比大家笑下
老老實實，過左咁耐 諗返起都仲好驚
佢個樣好很認真 CLS阿姨
#tofudiary #豆腐空少
#豆腐空少的飛行日記
Search